День Святой Троицы. Пятидесятница

День Святой Троицы. Пятидесятница

 

Значение праздника

На пятидесятый день по Воскресении Христа все двенадцать апостолов вместе с Божией Матерью и другими учениками Христа были в Иерусалиме. Они собрались для молитвы в ожидании исполнения обещания Спасителя о ниспослании им Святого Духа. В третий час дня (по-современному – в девятом часу утра) в горнице, где они находились, с шумом ветра появилось пламя, разделившееся на огненные языки, почившие над каждым апостолом, избранным Господом для проповеди Евангелия (Апостол –значит посланник). Обетование Спасителя исполнилось, и Дух Святой дал апостолам способности, силу и дар свидетельства о Воскресшем Христе на языках других народов.

День сошествия Святого Духа на апостолов празднуется как день рождения Церкви.

Церковь в Святом Писании именуется Телом Христовым (Еф. 1, 23), ведь иначе невозможно выразить ту степень близости ко Христу и родства с Ним, которых достигают христиане, принимающие в Таинстве Причащения Тело и Кровь Христовы.

Церковная жизнь — это непрестанный процесс уподобления Богу, раскрытия в себе качеств, присущих Богу — смирения, кротости и любви. Это достигается с помощью благодати Святого Духа, которая была утрачена в результате грехопадения. Эта благодать живет в Церкви и сообщается людям посредством Святых Таинств.

Именно в сошествии Святого Духа Церкви была открыта полнота учения о Триедином Боге – Отце, Сыне и Святом Духе. Вот почему праздник Пятидесятницы именуют днем Святой Троицы.

  

История празднования

Пятидесятница праздновалась с апостольских времен. В «Апостольских постановлениях» говорится: «спустя десять дней по Вознесении бывает пятидесятый день от первого Дня Господня (Пасхи); сей день да будет великим праздником». С III-IV вв. встречается упоминание о Пятидесятнице как о периоде после Пасхи и как об особом празднике.

На праздник Святой Троицы в знак обновления жизни благодатью Духа Святого храмы украшаются зелеными ветвями, травой и цветами, а священнослужители облачаются в зеленые богослужебные одежды. Этот обычай связан с обрядами ветхозаветной Пятидесятницы, – принесением Богу зеленеющих начатков жатвы.

Первый понедельник после Св. Троицы именуется Днем Святого Духа. Он является продолжением праздника и посвящен особому чествованию Третьего Лица Святой Троицы – Святого Духа.

 

Из Деяний святых апостолов (2:1-21)

1При наступлении дня Пятидесятницы все они были единодушно вместе. И егда скончавашася дние Пятьдесятницы, беша вси апостоли единодушно вкупе.
2И внезапно сделался шум с неба, как бы от несущегося сильного ветра, и наполнил весь дом, где они находились. И бысть внезапу с небесе шум, яко носиму дыханию бурну, и исполни весь дом, идеже бяху седяще.
3И явились им разделяющиеся языки, как бы огненные, и почили по одному на каждом из них. И явишася им разделени языцы яко огненни, седе же на единем коемждо их.
4И исполнились все Духа Святаго, и начали говорить на иных языках, как Дух давал им провещевать. И исполнишася вси Духа Свята и начаша глаголати иными языки, якоже Дух даяше им провещавати.
5В Иерусалиме же находились Иудеи, люди набожные, из всякого народа под небом. Бяху же во Иерусалиме живущии Иудее, мужие благоговейнии, от всего языка, иже под небесем.
6Когда сделался этот шум, собрался народ, и пришел в смятение, ибо каждый слышал их говорящих его наречием. Бывшу же гласу сему, снидеся народ и смятеся, яко слышаху един кийждо их своим языкомъ глаголющих их.
7И все изумлялись и дивились, говоря между собою: сии говорящие не все ли Галилеяне? Дивляхуся же вси и чудяхуся, глаголюще другъ ко другу: не се ли, вси сии суть глаголющии Галилеане?
8Как же мы слышим каждый собственное наречие, в котором родились. И како мы слышим кийждо свой язык наш, в немже родихомся.
9Парфяне, и Мидяне, и Еламиты, и жители Месопотамии, Иудеи и Каппадокии, Понта и Асии, Парфяне и Мидяне и Еламите, и живущии в Месопотамии, во Иудеи же и Каппадокии, в Понте и во Асии,
10Фригии и Памфилии, Египта и частей Ливии, прилежащих к Киринее, и пришедшие из Рима, Иудеи и прозелиты, во Фригии же и Памфилии, во Египте и странах Ливии, яже при Киринии, и приходящии римляне, иудее же и пришелцы,
11критяне и аравитяне, слышим их нашими языками говорящих о великих делах Божиих? критяне и аравляне, слышим глаголющих ихъ нашими языки величия Божия?
12И изумлялись все и, недоумевая, говорили друг другу: что это значит? Ужасахуся же вси и недоумевахуся, другъ ко другу глаголюще: что убо хощет сие быти?
13А иные, насмехаясь, говорили: они напились сладкого вина. Инии же ругающеся глаголаху, яко виномъ исполнени суть.
14Петр же, став с одиннадцатью, возвысил голос свой и возгласил им: мужи Иудейские, и все живущие в Иерусалиме! сие да будет вам известно, и внимайте словам моим: Став же Петр со единонадесятьми, воздвиже глас свой и рече им: мужие иудейстии и живущии во Иерусалиме вси, сие вам разумно да будет, и внушите глаголы моя:
15они не пьяны, как вы думаете, ибо теперь третий час дня; не бо, якоже вы непщуете, сии пияни суть, есть бо час третий дне:
16но это есть предреченное пророком Иоилем. но сие есть реченное пророком Иоилем.
17И будет в последние дни, говорит Бог, излию от Духа Моего на всякую плоть, и будут пророчествовать сыны ваши и дочери ваши; и юноши ваши будут видеть видения, и старцы ваши сновидениями вразумляемы будут. И будет в последния дни, глаголет Господь, излию от Духа Моего на всяку плоть, и прорекут сынове ваши и дщери ваша, и юноши ваши видения узрят, и старцы ваши сония видят.
18И на рабов Моих и на рабынь Моих в те дни излию от Духа Моего, и будут пророчествовать. Ибо на рабы Моя и на рабыни Моя во дни оны излию от Духа моего, и прорекут.
19И покажу чудеса на небе вверху и знамения на земле внизу, кровь и огонь и курение дыма. И дам чудеса на небеси горе и знамения на земли низу, кровь и огнь и курение дыма.
20Солнце превратится во тьму, и луна — в кровь, прежде нежели наступит день Господень, великий и славный. Солнце преложится во тму, и луна в кровь, прежде даже не приити дню Господню великому и просвещенному:
21И будет: всякий, кто призовет имя Господне, спасется. И будет, всяк, иже аще призовет имя Господне, спасется.

 

Из Евангелия от Иоанна (7:37- 52)

 

37В последний же великий день праздника стоял Иисус и возгласил, говоря: кто жаждет, иди ко Мне и пей. В последний же день великий праздника стояше Иисус, и зваше, глаголя: аще кто жаждет, да приидет ко Мне и пиет.
38Кто верует в Меня, у того, как сказано в Писании, из чрева потекут реки воды живой. Веруяй в Мя, якоже рече Писание, реки от чрева его истекут воды живы.
39Сие сказал Он о Духе, Которого имели принять верующие в Него: ибо еще не было на них Духа Святаго, потому что Иисус еще не был прославлен. Сие же рече о Дусе, Егоже хотяху приимати верующии во имя Его: не у бо бе Духъ Cвятый, яко Иисус не у бе прославлен.
40Многие из народа, услышав сии слова, говорили: Он точно пророк. Мнози же от народа слышавше слово, глаголаху: Cей есть воистинну пророк.
41Другие говорили: это Христос. А иные говорили: разве из Галилеи Христос придет? Друзии глаголаху: сей есть Христос. Овии же глаголаху: еда от Галилеи Христос приходитъ?
42Не сказано ли в Писании, что Христос придет от семени Давидова и из Вифлеема, из того места, откуда был Давид? Не писание ли рече, яко от семене Давидова и от Вифлеемския веси, идеже бе Давид, Христосъ приидетъ?
43Итак произошла о Нем распря в народе. Распря убо бысть в народе Его ради.
44Некоторые из них хотели схватить Его; но никто не наложил на Него рук. Нецыи же от них хотяху яти Его: но никтоже возложи Нань руце.
45Итак служители возвратились к первосвященникам и фарисеям, и сии сказали им: для чего вы не привели Его? Приидоша же слуги ко архиереом и фарисеом: и реша им тии: почто не приведосте Его?
46Служители отвечали: никогда человек не говорил так, как Этот Человек. Отвещаша слуги: николиже тако есть глаголалъ человек, яко Сей Человек.
47Фарисеи сказали им: неужели и вы прельстились? Отвещаша убо им фарисее: еда и вы прельщени бысте?
48Уверовал ли в Него кто из начальников, или из фарисеев? Еда кто от князь верова в Онь, или от фарисей?
49Но этот народ невежда в законе, проклят он. но народ сей, иже не весть закона, прокляти суть.
50Никодим, приходивший к Нему ночью, будучи один из них, говорит им: Глагола Никодим к ним, иже пришедый къ нему нощию, един сый от них:
51судит ли закон наш человека, если прежде не выслушают его и не узнают, что он делает? еда закон наш судит человеку, аще не слышит от него прежде и разумеет, что творитъ?
52На это сказали ему: и ты не из Галилеи ли? рассмотри и увидишь, что из Галилеи не приходит пророк. отвещаша и рекоша ему: еда и ты от Галилеи еси? испытай и виждь, яко пророкъ от Галилеи не приходит.

 

Тропарь, глас 8

Благословен еси, Христе Боже наш, Иже премудры ловцы явлей, низпослав им Духа Святаго и теми уловлей вселенную, Человеколюбче, слава Тебе!

 

Кондак, глас 8

Егда снизшед, языки слия, разделяше языки Вышний, егда же огненные языки раздаяше, в соединение вся призва. И согласно славим Всесвятаго Духа.

Величание

Величаем Тя, Живодавче Христе, и чтим Всесвятаго Духа Твоего, Егоже от Отца послал еси Божественным учеником Твоим.

Молитвы коленопреклоненные

На Вечерне священники читают молитвы коленопреклоненные, стоя на коленях в царских вратах, лицом к народу.

Молитва коленопреклоненная первая, Святой Троице

Пречисте, нескверне, безначальне, невидиме, непостижиме, неизследиме, непременне,непобедиме, неизчетне, незлобиве Господи, един имеяй безсмертие, во свете живый неприступном: сотворивый небо и землю, и море, и вся созданная на них, прежде еже просити, всем прошения Подаваяй, Тебе молимся, и Тебе просим, Владыко Человеколюбче, Отца Господа и Бога и Спаса нашего Иисуса Христа, нас ради человеков, и нашего ради спасения сшедшаго с небес, и воплотившагося от Духа Святаго и Марии Приснодевы, и Преславныя Богородицы: Иже первее убо словесы уча, последи же и делы показуя, егда спасительную страсть претерпе, подаде нам подписание смиренным, и грешным, и недостойным рабом Твоим, мольбы приносити Тебе, в выи и колен преклонениих, о своих гресех, и о людских неведениих.

Сам многомилостиве и человеколюбче, услыши ны, воньже аще день призовем Тя, изряднее же в день сей пятдесятный, воньже по Вознесении Господа нашего Иисуса Христа на небеса, и седении одесную Тебе Бога и Отца, низпосла Святаго Духа на святыя Своя ученики и апостолы, Иже и седе на едином коегождо их, и исполнишася вси неистощимыя благодати Его, и глаголаша языки иными величия Твоя, и прорекоша.

Ныне убо молящихся Тебе услыши нас, и помяни нас смиренных и осужденных, и возврати пленение душ наших, Твое милование имея о нас молящееся. Приими нас припадающих Тебе, и вопиющих: согрешихом, к Тебе привержени есмы от утробы, от чрева матере нашея, Ты еси Бог наш. Но яко исчезоша в суете дние наши, обнажихомся Твоея помощи, лишихомся всякаго ответа, но дерзающе на щедроты Твоя, зовем: грехи юности нашея и неведения не помяни, и от тайных наших очисти нас, и не отрини нас во время старости, внегда оскудети крепости нашей: не остави нас, прежде даже нам в землю не возвратитися, сподоби к Тебе возвратитися, и вонми нам благоприятием и благодатию.

Возмери беззакония наша щедротами Твоими, сопротив постави бездну щедрот Твоих множеству согрешений наших. Призри с высоты святыя Твоея Господи, на предстоящия люди Твоя, и чающия еже от Тебе богатыя милости. Посети нас благостию Твоею, избави нас от насильства диаволя: утверди живот наш святыми Твоими и священными законы. Ангела, верна хранителя пристави людем Твоим, всех собери в Твое Царствие. Даждь прощение уповающим на Тя: остави им и нам грехи. Очисти нас действом Святаго Твоего Духа: разруши яже на нас козни вражия.

Молитва вечерняя первая

Благословен Еси Господи Владыко Вседержителю, просветивый день светом солнечным, и нощь уяснивый зарями огненными, долготу дневную преити нам сподобивый, и приближитися начатком нощи: услыши моления наша, и всех людей Твоих, и всем нам простив вольныя и невольныя грехи. Приими вечерняя наша моления, и низпосли множество милости Твоея, и щедроты Твоя на достояние Твое. Остени нас святыми ангелы Твоими, вооружи нас оружием правды Твоея, огради нас истиною Твоею, соблюди нас силою Твоею, избави нас от всякаго обстояния, всякаго навета сопротиволежащаго. Подаждь же нам и настоящий вечер, с приходящею нощию, совершен, свят мирен, безгрешен, безсоблазнен, безмечтанен, и вся дни живота нашего: молитвами святыя Богородицы, и всех святых от века Тебе благоугодивших.

Молитва коленопреклоненная вторая, Господу Иисусу Христу

Господи Иисусе Христе Боже наш, мир Твой подавый человеком, и Пресвятаго Духа дар, еще в житии и с нами Сый, в наследие неотъемлемое верным присно Подаваяй: явленнейше же сию благодать Твоим учеником и апостолом днесь низпославый, и сих устне огненными утвердивый языки: имиже весь род человеческий Боговедение своим языком в слух уха приимше, светом Духа просветихомся, и прелести якоже тмы изменихомся, и чувственных и огненных язык раздаянием, и преестественным действом, еже в Тя веры научихомся, и Тебе Богословити со Отцем и Святым Духом, во едином Божестве, и силе, и власти озарихомся.

Ты убо Отчее сияние, существа и естества Его неизменное и недвижимое Начертание, Источниче премудрости и благодати: отверзи и мне грешному устне, и научи мя, како достоит, и о ихже потреба молитися: Ты бо Еси ведый многое грехов моих множество, но Твое благоутробие победит сих безмерное. Се бо страхом предстою Ти, в пучину милости Твоея отчаяние души моея поверг: окорми живот мой словом всю тварь неизреченною премудрости силою управляяй, тихое обуреваемых пристанище, и скажи ми путь, воньже пойду.

Дух премудрости Твоея моим подаждь помышлением, Дух разума безумию моему даруяй, Духом страха Твоего моя осени дела, и Дух Правый обнови во утробе моей, и Духом Владычним мыслей моих поползновение утверди: да на всяк день Духом Твоим Благим к полезному наставляемь, сподоблюся творити заповеди Твоя, и Твое присно памятствовати славное пришествие, и истязательное содеянных нами. И да не презриши мя тленными сопрельщатися мира сего красными, но будущих восприятия желати укрепи сокровищ.

Ты бо рекл еси Владыко: яко елика аще кто просит о Твоем Имени, невозбранно приемлет от Твоего присносущнаго Бога и Отца. Темже и аз грешный в пришествии Святаго Твоего Духа, Твою молю благость, елика просих, воздаждь ми во спасение. Ей Господи, всякаго благодеяния богатый дателю, и подателю Благий, яко Ты еси подаваяй преизобильно ихже просим: Ты еси сострадателен и милостивый, Иже безгрешно быв плоти нашея общник, и приклоняющим к Тебе колена, приклоняяйся любоблагоутробне, очищение же быв грехов наших.

Даждь убо Господи, людем Твоим щедроты Твоя: услыши нас с небесе святаго Твоего: освяти нас силою спасительныя десницы Твоея: покрый нас кровом крилу Твоею, да не презриши дел руку Твоею. Тебе единому согрешаем, но и Тебе единому служим. Не вемы кланятися богу чуждему, ниже простирати руки наша, Владыко, к богу иному. Остави нам согрешения, и приим наша коленопоклонная моления, простри всем нам руку помощи, приими молитву всех яко кадило приятное, восприемлемое пред Твоим преблагим Царством.

Молитва вечерняя вторая

Господи Господи, избавлей нас от всякия стрелы летящия во дни: Избави нас и от всякия вещи во тме преходящия. Приими жертву вечернюю рук наших воздеяния. Сподоби же нас и нощное поприще без порока прейти неискушены от злых: И избави нас от всякаго смущения и боязни, яже от диавола нам прибывающия. Даруй душам нашим умиление, и помыслом нашим попечение, еже на страшнем и праведнем Твоем суде испытания. Пригвозди страху Твоему плоти наша, и умертви уды наша сущия на земли: Да и сонным безмолвием просветимся, зрением судеб Твоих. Отыми же от нас всякое мечтание неподобное и похоть вредну. Возстави же нас во время молитвы утверждены в вере, и преспевающия в заповедех Твоих.

Молитва коленопреклоненная третья, Господу Иисусу Христу об усопших

Приснотекущий, животный, и просветительный Источниче, соприсносущная Отцу содетельная Сило, все смотрение за спасение человеческое прекрасне исполнивый, Христе Боже наш, смерти узы неразрешимыя, и заклепы адовы расторгнувый, лукавых же духов множество поправый. Приведый Себе о нас непорочное заколение, и Тело давый пречистое в жертву, всякаго греха неприкосновенное же и непроходное, и страшным сим, и неисповедимым священнодействием живот нам вечный даровавый: во ад сшедый, и вереи вечныя сокрушивый, и во тме седящим восход показавый: началозлобнаго же и глубиннаго змия Богомудростным льщением уловивый, и веригами мрака связавый в тартаре и огни негасимом, и во тме кромешней неисчетносильною Твоею затвердивый крепостию, великоименитая Премудросте Отчая, напаствуемым великий помощник явивыйся, и просветивый седящия во тме и сени смертней.

Ты славы присносущныя Господи, и Отца Вышняго Сыне возлюбленный, присносущный Свете от присносущнаго Света, Солнце правды, услыши нас молящихся Тебе, и упокой души рабов Твоих, прежде усопших отец и братий наших, и прочиих сродник по плоти, и всех своих в вере, о нихже и память творим ныне, яко в Тебе всех держава, и в руце Твоей содержиши вся концы земли. Владыко Вседержителю, Боже отец и Господи милости, рода смертнаго же и безсмертнаго, и всякаго естества человеческаго Содетелю, составляемаго же, и паки разрешаемаго, живота же и скончания, еже зде пребывания, и еже тамо преложения: лета измеряяй живым, и времена уставляяй смерти: низводяй во ад и возводяй: связуяй в немощи, и отпущаяй в силе: настоящая потребне строяй, и будущая полезно управляяй: смертным жалом уязвенных воскресения надеждами веселяяй.

Сам убо Владыко всех, Боже Спасителю наш, надежде всех концев земли, и сущих в мори далече, Иже и в сей последний и великий спасительный день Пятдесятницы праздника, тайну Святыя и единосущныя, и соприсносущныя, и неразделимыя, и неслиянныя Троицы показавый нам, и наитие и пришествие Святаго и Животворящаго Твоего Духа, в виде огненных языков на святыя Твоя апостолы излиявый, и благовестники тех поставивый, благочестивыя нашея веры, и исповедники и проповедники истиннаго Богословия показавый: Иже и в сей всесовершенный и спасительный праздник, очищения убо молитвенная, о иже в аде держимых сподобивый приимати, великия же подаваяй нам надежды ослабления содержимым от содержащих я скверн, и утешению Тобою низпослатися.

Услыши нас смиренных, и Твоих раб молящихся Ти, и упокой души рабов Твоих прежде усопших, на месте светле, на месте злачне, на месте прохлаждения: отонудуже отбеже всякая болезнь, печаль и воздыхание и учини духи их в селениях праведных, и мира и ослабления сподоби их: яко не мертвии восхвалят Тя Господи, ниже сущии во аде исповедание дерзнут принести Тебе: но мы живии благословим Тя и молим, и очистительныя молитвы и жертвы приносим Тебе о душах их.

Молитва другая Господу Иисусу Христу об усопших

Боже великий, и вечный, Святый, человеколюбивый, сподобивый нас в сей час стати пред неприступною Твоею славою, на пение и хвалу чудес Твоих, очисти ны недостойныя рабы Твоя, и подаждь благодать еже сокрушенным сердцем, невозносительно приносити Тебе Трисвятое славословие, и благодарение великих Твоих даров, яже сотворил еси к нам, и твориши всегда в нас. Помяни Господи немощь нашу, и да не погубиши нас со беззаконии нашими: но сотвори великую милость со смирением нашим, да греховныя тмы избежавше, во дни правды ходити будем, и одеявшеся оружием света, ненаветно пребудем от всякия козни лукаваго, и со дерзновением прославим о всех, Тебе единаго истиннаго и Человеколюбца Бога.

Твое бо яко воистинну и великое вресноту (поистине) таинство, Владыко всех, и Творче, временное решение Твоих тварей, и еже по сих совокупление, и упокоение еже во веки: Тебе благодать о всех исповедуем, о входех наших, яже в мир сей, и исходех, надежды нам воскресения, и жизни нетленныя, Твоим неложным обещанием предобручают, яже приимем в будущем втором пришествии Твоем. Ты бо еси и воскресения нашего Начальник, и поживших неумытный и человеколюбивый Судия, и мздовоздаяния Владыка и Господь, Иже и приобщивыйся нам приискренно плоти и крове, снизхождения ради крайняго: и наша страсти неотметныя, внегда волею во искус поставити, приим за милосердие щедрот, и в немже пострадал еси Сам искусився, искушаемым нам быв самообещанный помощник: темже и совозвел еси нас в Твое безстрастие.

Приими убо Владыко, мольбы и моления наша, и упокой вся отцы коегождо, и матери, и чада, и братию, и сестры единородныя, и купнородныя, и вся прежде почившия души: в надежди воскресения жизни вечныя учини духи их, и имена в книзе животней, в недрех Авраама, и Исаака, и Иакова, в стране живых, в Царствии Небеснем, в раи сладости, светлыми ангелы Твоими, вводя вся во святыя Твоя обители, совоздвизаяй и телеса наша в день, воньже определил еси по святым Твоим и неложным обетованием. Несть убо Господи, рабом Твоим смерть, исходящим нам от тела, и к Тебе Богу нашему приходящим, но преставление от печальнейших на полезнейшая, и сладостнейшая, и на упокоение и радость.

Аще же и что согрешихом к Тебе, милостив буди нам же и тем, зане ниедин есть чист пред Тобою от скверн, ниже аще един день живота его есть, разве Ты точию един, на земли явивыйся безгрешный Господь наш Иисус Христос: Имже вси уповаем милость получити, и оставление грехов. Сего ради нам же и онем, яко Благ и Человеколюбец Бог, ослаби, остави, прости грехопадения наша, вольная и невольная, яже в ведении и не в ведении, предъявленная и забываемая: яже в деянии, яже в помышлении, яже в словеси, яже во всех наших житиях и движениих. И отшедшим убо свободу и ослабу даруй, нас же сущих зде благослови, конец благий и мирный даруя нам же и всем людем Твоим, и милости и человеколюбия утробу отверзаяй нам, на страшном и ужасном Твоем пришествии, и Царствия Твоего достойных нас сотвори.

Молитва вечерняя третья

Боже Великий и Вышний, едине имеяй безсмертие, во свете живый неприступном, всю тварь мудростию создавый, разделивый посреде света, и посреде тмы: И солнце убо положивый во область дне, луну же и звезды во область нощи. Сподобивый нас грешных и в настоящий день предварити лице Твое во исповедании, и вечернюю Тебе службу принести. Сам Человеколюбче Господи, исправи молитву нашу, яко кадило пред Тобою, и приими ю в воню благоухания. Подаждь же нам настоящий вечер и приходящую нощь мирну: облецы ны оружием света, избави нас от страха нощнаго, и от всякия вещи во тме преходящия. И даруй нам сон, иже во упокоение немощи нашей даровал еси, от всякаго диавольскаго мечтания изменен. Ей Владыко всех благих подателю, яко да и на ложах наших умиляющеся воспомянем и в нощи пресвятое имя Твое. И поучением Твоих заповедей озаряеми, в радости душевной востанем к славословию Твоея благости, молитвы и моления Твоему благоутробию приносяще о своих гресех, и о всех людех Твоих: ихже молитвами Пресвятыя Богородицы, в милости посети.

Материал взят с сайта http://st-tatiana.ru/2015/05/28/den-svyatoj-troicy-pyatidesyatnica/

 

(92)